babae ako????

Sabi ng kapatid kong lalaki, nagkamali daw nang kasarian yung Lumikha sa akin. Para daw akong lalaki.. Napatingin tuloy ako sa salamin..wala naman akong bigote, balbas at adam’s apple.Pambabae naman ang features nang face ko. Siguro may kinulang sa ibang aspeto pero babae ako..joke

Pero seriously, alam ko kung ano ang tinutukoy nya, hindi kasi ako umaasal ng tipikal na babae..

1. hindi ako mahilig magsuklay- kasi naman, pag nagsusuklay ako, feeling ko laging autumn, ang daming hairfall. tsaka hindi naman ako madalas umalis eh.pero pag umaalis naman ako, nagsusuklay ako. hindi rin ako nagmamake-up..maliban na lang kung may job interview o nagpapacute ako..hahaha

2. mahilig akong manuod ng basketball at boxing- mas pinipili ko pa manuod ng laban ng PBA lalo na pag ginebra kesa manuod nang mga kadramahan sa gabi. Napapamura pa ako pag sablay ang tawag ni ref sabay tingin kung narinig ng nanay ko..bawal daw magmura, lalo na pag naririnig ni ina. Pero pag boxing naman, kasabay ko yung tatay ko nanunuod. aktwali, ako lang yung nanunuod, paalis-alis kasi siya, sabay tanong kung anong nangyari..sabi ko nga one time, kung gusto nya ng reenactment..hahah..

3. Mahilig akong maglaro ng laban2x- hahaha..yun ang tawag ko dun sa mga marvel vs capcom, tekken, at iba pang kauri nila..pindot lang ako ng pindot pero natatalo ko yung kapatid kong may sinasabi pang “super” daw (nagliliyab yung character).

4. mas madalas kong kausap yung mga kapatid kong lalaki kesa dun sa mga soul sisters ko- eh kasi naman si sister, opposite ko to the max. prim and proper ang drama..eh yung mga kapatid kong lalaki, puro kalokohan kaya nakakarelate ako.

5.  Nakikipag-inuman ako- pero sa bahay lang namen, kasama yung dalawa kong kapatid. In fairness, hindi pa ako nalalasing sa tanang buhay ko.. mabait naman kasi yung mga kainuman ko, 1/2 lang ang tagay ko..tsaka sabi ko pag ako nag “sukamichi”- as in sumuka, sa aparador nila..hahahahha…salbahe..

6. Nung bata ako, mahilig akong maglaro ng text (as in yung text na cards..BTx na cartoons pa nga yung una kong text. piso apat na cards), basketball at wrestling with my kuya (lagi kami nagsasapakan ng kuya ko eh, one time…tinulak nya ako sa pader..dugo ilong ko, tapos kiniskis nya yung talampakan nya sa pisngi ko, eh lagi p naman syang nakayapak nun..umiyak ako nun eh, kasi namantal yung pisngi ko..) note: habang tinitipa ko tong parteng ito, tinitingnan ako ng kuya ko, nararamdaman siguro nya na binbanggit ko siya sa sinusulat ko.. 😉

7. Wala akong paki kung madungis ako- si Ms Punas sa damit ako eh..hahaha..parang mannerism.. unlike…heheheh.

8. Eto ang Pinaka sensitibong parte..wala kasi akong jowawers..since birth..hahahah…sabi nga nang kuya ko, pag may pinakilala ako sa knila na jowa ko, itatali na daw nila at hindi na papauwiin,.kala mo naman kung makapag-salita sila, wla din naman silang ini-introduce na jowa nila..eh di fair lang hahaha…

sabi ko nga sa kanila, hindi naman basehan yung mga nabanggit sa pagiging babae..sadya lang unique ang mga personalities na mga utaw (tao). walang basagan ng trip…hahahah..cheers!

Mag-Hintay

Madaling araw na,bukas pa ang mata

Nakahiga sa kama at nakatulala

Katulad kahapon,kagabi at kanina

Mukhang nasa isip na naman kita

 

Naghihintay yan ang lagi kong ginagawa

Na ako’y maisip mo man lang o maalala

Masakit mang isipin na sayo ako’y tila balewala

Pero hintayin at isipin kay parang wala akong sawa

 

Alam kong wala naman talaga akong mapapala

Sa nararamdaman ko sayong sobrang paghanga

Dahil hindi naman ako yung tipong ubod ng tanga

Para maintindihan na ikaw at ako’y walang pag-asa

 

MAGHINTAY, yan lang ang aking magagawa

Na darating ang pinakahihintay kong araw na

Kaya MO nang sabihing  “Gusto rin Kita”

o kaya naman ang araw na kaya KO ng sabihing “Limot na kita”